#NSS愛情
[Guest] 我今年中四(女), 近排喺補習社識左個大我一年嘅男仔。因為我本身都幾outgoing，所以好快交換左ig同電話。我地成日會reply story,傾計，每晚都會傾到訓覺前（大嘅11-12點）上個禮拜，我同朋友去行街，見到隻公仔，第一時間諗到佢，問佢要唔要一人一隻，佢竟然話好。買咗之後，成個感覺好奇妙，我都唔識形容。約佢出嚟玩嘅時候（約過兩三次左右），我會不停望住個鐘，睇吓我幾點要出門口。假如約咗1:00，我11:00就換好曬衫等出門嘅時間。上次玩到好夜，9:00幾，佢送咗我返屋企。後尾諗返起又覺得我對呢個行動既感覺好似好有負擔咁，雖然幾sweet.. 但係，如果你問我有冇心動嘅感覺，我又答唔出，只可以話係佢面前會好緊張，例如面對面傾偈嘅時候會係咁玩頭髮。前幾日，佢同我表白，因為有好感，我就應承左，但嗰下比起開心，更加係驚，因為我唔知我可唔可以回報到佢嘅感情。所以，究竟我係咪鍾意佢？