#NSS家庭
[Guest ] 我每次同爹哋媽咪拿零用錢嘅時候都覺得好內疚
咁講返少少背景先，咁我自己就住喺一幢新樓嘅其中一個flat , 屋企有四個人，住緊大概五百幾呎，唔算好大，但係都算可以 咁但係因為最近經濟差咗，爹哋媽咪嘅收入都少咗，之前佢哋每人每個月就大概搵到六萬蚊左右，但係而家就得返三萬幾，有時就得返一萬幾 （呢啲資料全部都係媽咪同我講嘅）但係我嘅零用錢就冇變，而家暑假就每個禮拜有$300 如果要返學嘅話就大概$450至$500 但係其實而家暑假我每個禮拜都用唔到$300，普通交通費就只不過大概$50至$100都搞掂 ，剩低嗰啲錢本身諗住俾返爹哋媽咪，但係佢哋就叫我自己儲起 但係講真自己都想幫補一下家計，令到佢哋唔好咁辛苦，但係佢哋又唔肯收返多咗嗰啲錢，我有試過直情唔攞零用錢，但係佢哋又點都塞俾我，自己覺得佢哋好寵我，但係講真自己冇呢個需要
因為佢哋而家搵少咗，好似攞零用錢都好內疚，好驚第時有日會破產，你地覺得係我自己諗多咗，定抑或其實真係冇乜所謂🙏
Admin pls po ig thanks