#NSS家庭
[Guest] Admin Pls po ig, 應該有 d長篇嘢
現在係 1月8日，尋日無啦啦我同母異父 住喺大陸嘅哥哥嚟咗，daday喺幾個月前因為d事而家已經喺英國，本身得返我同 mami喺香港。
mami之前喺大陸嚟 ge, 亦都同前夫喺大陸生咗哥哥，我同哥哥本身唔熟，所以對佢 ge到來反感，原本粵語唔係mami母語，但mami都用心學，之前除咗有 d懶音基本上冇口音，但上年開始daddy, mami政治觀念同本身就嘈開問題，呢個屋企三個人ge心越分越開，mami同返佢 d大陸 frd一齊，講嘢越嚟越多口音。
年尾 daddy走埋，mami甚至講返喺大陸時講嘅方言，好啦講返正題尋日我放興趣班又攰又餓返到嚟，除咗見到唔想見ge陌生阿哥，仲有直頭就埋阿哥句句講方言 ge mami, 但哥哥識講粵語，我同佢地講喺香港做嘢就講粵語，冇人聽仲要俾阿媽話發癲，後尾我問佢點解阿哥嚟唔同我講。
其實屋企多出個陌生人我好驚，再加上我發現我喺兩年前開始接受唔到現實就會去到我幻想ge世界，daddy mami感情好得我一個女，有可以陪我 ge frd… 之類現實冇ge嘢，但係哥哥ge到來擊碎我 ge幻想，亦都令我諗返起 2021年1月7發生ge事
嗰時我要填升中表，mami同我意件不一，期間唔小心倒灑咗涼茶，佢不停鬧我，仲又想攞衣架打我，我記得嗰時我精神唔太正常，見到佢有呢個動作嚇到尖叫同想反擊，當然唔成功，後尾佢話要番工懶得理我，佢一出門我就去天台，但嗰時可能放緊假唔鍾意出街見到人就驚 (而且我係次次喊完見到任何人都驚，mami daddy除外) ，所以我唔選擇撘 lift, 而係行四十幾層樓梯去天臺，但終於行到上去我又驚，搵frd求救爆喊，之後被勸返落嚟。
呢件事我 daddy mami都唔知，甚至寫之前得我一個知，除咗上天台諗住死得我有d frd知
而家我因為哥哥喺廳我又喊完，唔敢出房，邊寫邊喊，所以自己想講咩都唔知，寫到 1999
其實我淨係想講出嚟同埋聽下接下來幾個月點面對佢哋😢嘅意見，有意見我應該會用細 acc同覆
Sor for 1999, 第一次投稿