#NSS愛情
[男校] 小弟07。是咁的，有個女仔都算係由細識到大，不過一直都唔熟。係由form1 (而家form3) 搵到ig開始有傾偈，不過傾咗幾個月就冇咩話題。直到上個暑假我reply咗佢個story開始就日日無時無刻都ig傾偈，之後得閒就會打電話傾好耐，又會單獨約出嚟咁。我就越嚟越鍾意佢啦，而佢呢就話過以前鍾意過我不過而家冇。上年10月尾佢問我不如試下一齊，我就話好啊，點知佢幾分鐘後又話都係覺得唔work，我wtf咗不過都算。之後又有次又問我係咪鍾意佢，我答完話應該係跟住又冇咗回事。直到11月尾佢再問先正式一齊。
咁一直都發展得幾好，直到有次出街撞到佢屋企人🤡🤡，俾佢阿媽發現咗。佢阿媽開始唔俾佢同我出街，又話驚拍拖影響學業，所以如果嚟緊考試冇進步十名以上就要分，但係都有瞞住佢阿媽照約出嚟。
然後，12月中星期一都有約出嚟， 冇異樣。星期二ig問佢聖誕假約幾時去邊，佢就開始回避，又話聖誕假要溫書，咁佢之前明明一早都話聖誕假要約出嚟，唔通之前唔知要考試？都算，我就叫佢最好考完試第一個約我，佢話睇下到時點，咁我就覺得唔妥同埋好sad啦，但係都算，到夜晚video call嗰陣都冇咩嘢好正常，但係call call下佢阿媽就鬧佢，之後就cut咗。星期三ig傾偈嗰陣都feel到佢有啲down，去到夜晚text緊嗰時佢就突然間send咗段嘢嚟，大概就係話佢阿媽好反對我哋一齊，要我哋下次約出嚟就同我分手，又要我哋斷絕關係。星期四我哋都有繼續傾，就話keep住做friend，之後我就話不如唔好分，就瞞住你阿媽。佢就話佢呃唔到佢阿媽同自己，跟住講講下就知其實佢自己都想分，咁我就嬲啦，話咗佢幾句。And then佢就話佢阿媽都係反對我哋最後一次約出嚟分手，之後就話覺得我哋關係去到呢度，之後block咗我ig…
佢就冇block我Signal, WhatsApp。咁我之後嗰晚就Signal, WhatsApp佢求佢繼續同我做friend，佢不讀我但係又冇block我，之後我就由星期五開始都keep住有message佢，直到星期一佢就覆：「你唔好再煩住我啦」我問佢：「我做錯咗乜嘢點解要咁對我？」佢話：「你冇做錯乜嘢，純粹我阿媽唔想我再同你傾偈我又覺得佢有道理」之後就block埋我。我之後又收到風佢喺佢間學校唱我(唔同班都知)，話我幼稚🤷。
我一開始都有啲嬲佢，以為自己over咗佢，但係呢排越嚟越發現自己放唔低佢，可以考緊試放空喺度諗佢、發夢又夢見佢，又幻想自己遲啲再追過佢。利申：初戀嚟
大家可摸耳幫手解答小弟佢點解會咁，同埋點樣放低佢🙇。
Sor for 1999，小弟而家好迷惘🥲
圖Link: https://ibb.co/NK4Mrvq