#NSS個人
[GUEST] 我完全冇諗過自己會被搭訕
本人17歲
咁啦 有一日我同個fd行完街就搭輕鐵返屋企 咁我個fd就落車先 而我就要過多幾個站先落 咁我個fd落車前幾個站我同佢睇手機睇左有啲耐 就想扭下條頸放鬆下 跟住當我另條頸去右邊嗰陣 我就唔覺意同左一個企係後邊窗嘅男仔對眼（個樣文文青青 戴眼鏡 運動裝 好似有180咁高） 咁另下條頸唔覺意同其他人對到眼好正常呀係咪先 咁fd落車之後 我就想唉住個窗咁企（行左成日好攰 ）我就行左去後面窗邊 點知同我對眼嗰個男仔同我say hi 跟住我心諗 「我識你？」個男仔就問我係咪00後 我答係 呢時我就以為係咪做訪問or做問卷 跟住佢冇啦啦話自己係90後 然後我唔係好記得 總之就好突然咁問我我係咪單身 我嗰下即刻社恐 我見到佢部手機開住ig 我祈求唔好問我ig 我隻手揸住我部電話揸到實一實以防萬一可以用手機防身 嗰下勁後悔冇戴上耳機冇得與世隔絕 我覺得成件事好詭異好恐怖 我把聲有少少震咁同佢講「我可唔可以唔答你」下一秒佢問我我係咪好驚 佢問完我成個人宿左一下 然後我尷尬而不失禮貌嘅笑容咁答「有少少啦」把聲仲加震 （偷阿爸阿媽錢都冇咁驚啊）好彩我答完佢之後即刻到站 然後我急急腳咁落車 用有史以黎最快嘅速度返屋企 我以為佢會追過黎 好彩冇 返到屋企平靜落黎之後 我就諗 我個樣又唔靚 我正係著左件T加牛仔短褲 唔係熱褲 再加上我個頭少亂 成個形象係完全唔吸引係勁普通 點解會俾人搭訕 我到而家都唔明
呢件事令我有幾日少少驚一個人搭輕鐵 同埋冇同阿爸阿媽講因為會搞到有啲大禍 我覺得我嘅經歷唔算嚴重 但都想提醒各位女仔小心啲
求admin post
Thx admin