一個正常嘅家庭係點？
小妹仲讀緊中學 有焦慮症，父母互相派帽🪖但係冇離婚， 屋企係一個典型重男輕女嘅家庭，家暴對我嚟講已經係家常便飯，屋企三日一小交，五日一大交。
試過半夜俾人揼出街，喺條街度俾人揼落大垃圾桶，俾刀指住 ，對我反枱反櫈，困係一間黑蚊蚊嘅雜物房幾個鐘，無論點掙扎都冇，屋企人喺自己面前嘗試自殺(冇成功)……
幼稚園嘅時候，比屋企人打到幼稚園爭啲報狗虐兒。 好細個嘅時候俾表哥侵犯（冇同過屋企人講）……
每次見到同學屋企人嘅社交媒體po一家人好開心一齊整嘢食或者去玩之類嘅時候 個鼻會好酸 ，眼淚不由自主咁流。
我好渴望有一個幸福嘅家庭，可以過返啲正常生活。但係一諗到要同屋企人拖手 抱抱 一齊行街 我覺得好得奇怪 好核突，究竟係咪我自己嘅問問題…想同屋企人關係好啲 但又覺得好奇怪。
我覺得自己唔算慘，呢個世界上慘過我嘅人太多。但係我覺得所謂嘅「屋企人」根本冇做錯，只係咁啱我同所謂嘅「屋企人」咁啱有血緣關係。
我都唔知我自己想點 我好亂 好痛苦… 但我冇諗過放棄 我一路同自己講 將來會更好 大個啲會再好啲！但係係呢一兩年 政治立場關係變得更差，再加上武漢肺炎，我變到唔可以成日出街，要留喺屋企… 關係自然更加差。
最後，有冇人可以話俾我知究竟正常嘅家庭正常嘅生活係點？🙇♀️
好多睇到呢度嘅你，因為我講啲嘢1999 都全部睇晒🙇♀️🙇♀️🙇♀️
Sorry for 1999