#NSS愛情
[GUEST] Admin po IG please
小弟今年中一，鍾意左一個女仔。
是咁的，喺啱啱開學嗰陣（9月中嗰陣），我地就過隔離樓影學生相（學生證用呢張）。跟住我地就一路行一路傾，跟住我就鍾意左呢個女仔（可能係一見鍾情？我自己都唔知鍾意佢啲咩）
喺大概11/12月嗰陣就同佢表左白，佢話要考慮幾日，跟住過左大概一個禮拜都未有答覆，我就問佢其實係咪唔想應承，佢就敷衍地答左句：你咪當係囉(可能係我太急）。跟住我地就逐漸冇左交集。
到左大概三月，我地調左位 ，（因為考完試)佢坐我左後方。我地就逐漸傾返計，跟住後尾喺IG傾計嗰陣（PM) 本身傾得好地地，跟住無端端黎左句：其實你可唔可以唔好再煩A（個女仔）呀 講真呢佢而家覺得你咁樣令到佢對你越嚟越反感同埋越嚟越厭棄你（應該係語音輸入），我就冇再講嘢
跟住後來我又同佢表左白 ，（大概係4月中），佢就話可以比個機會但係要F3 。但係而家佢對我都係好冷淡（即係好似對住個陌生人咁 ）請問各位我可以點，真係好驚，定係真係我太心急。
真係唔想冇左呢個唯一既朋友，本身喺班上因為被同學玩過所以好邊緣，唔想冇左呢個朋友。
Sorry for 1999