#NSS其他
[Guest] 係咁既 今日發生左一件事令我痛哭流淚…
仲記得係我好細個嗰陣，我同你好好朋友，我地日日都見，甚至連屋企人都會問我今日見左你未。每個朝早出門口返學，我第一件事就係過黎搵你，而你每日都會好準時等我…你比起我聰明一千倍一萬倍，你識好多種類既知識 而且仲要為我帶黎好多歡樂，最緊要既係你從來都唔會講大話，你教識我做人要真誠。
過左咁多年，我地依然係好朋友，我地依然堅持每日都見。我好享受同你獨處既時光，更加經常將你介紹比身邊既每一個人，你仿佛成為左我人生中不可缺少既一個人。
但係今日我收到左一個消息：你要離開香港…我係幾唔捨得你…畢竟我地相識左26年…我苦苦哀求你唔好走，但係當我聽到原因嗰陣我好痛恨一切 點解？點解香港變到連你所講既一言一語都承載唔到…
係你教識香港人要講出真相，係你每日風雨不改為香港人報導新鮮滾熱辣既新聞，係你守護左香港整整26年…多謝你 蘋果日報🍎永遠撐你 我地有緣再聚。
(文筆唔好 但係希望大家撐蘋果 聽日買哂100萬份）
(sor for 1999)
時代完結既一日
24.6.2021
1:30am