#NSS社會
[某九龍區女校] hi大家好，我係上次果個09 #NSS211117D
大家嘅留言我都有睇，咁首先好多謝你哋支持我嘅諗法，不過當中有一兩個留言我想回應一下。
有人話我逢中必反：
我可以話俾你聽我絕對唔係，我甚至驚如果我同大家講我有時有用淘寶會俾人鬧(大家唔好嬲🥺)
但我好相信大家討厭嘅唔係中國，唔係中華文化，而係xx黨，中國政府，香港政府，同某啲冇禮貌嘅大陸旅客。
其實我覺得中華文化一直都好值得學習，只不過係俾少數大陸人影衰咗中國同埋華人。
再講，嗰啲日日講普通話嘅「香港人」，我認為已經唔止政治嘅問題，而係身份認同嘅問題。大家都係香港人，點解香港人同香港人講嘢要用普通話呢？
就好似如果你係一個潮州人，為咗溝通方便而用普通話我明白亦都理解，但係你絕對唔可以完全唔識潮州話。
//
我明白大家都有自己嘅諗法，我唔會去質疑其他人嘅諗法，而我亦都只係表達一下我嘅感受。希望大家會同意我講嘅嘢啦😔
唔該晒admin