#NSS家庭
[Guest] Admin pls post ig tkss
我係一個F.1嘅女仔
話說之前考試嘅成績派咗返嚟
咁我只有一科唔合格但係其他都考得唔係太好
我阿媽就不停將我同其他人比較
又話我完全唔覺得自己有問題
其實我想講我係又覺得自己仲未做得夠好
但係我一直都冇講出嚟比佢哋聽
因為覺得好尷尬
所以佢哋就不停鬧我點解我覺得自己好似好啱咁
想問吓大家有咩解決方法？
–
第二樣嘢就係我覺得我已經俾我阿媽逼到有啲情緒問題
平時星期六佢都會逼我出去行山
呢啲野我都冇堅持唔出去
反正都覺得行山對身體好
只係有時會覺得行嗰啲超長嘅樓梯有啲辛苦
之後我就會企埋一邊休息一陣先至繼續行
但係點知佢又話我弱又話我差
又話我掃佢興
跟住佢哋為咗影相叫我企到勁出
真心嗰陣時我好驚
講真係咪真係要為咗影靚相去到呢個地步？
佢唔鍾意咪唔好帶我嚟囉
普普通通踩下單車行吓海旁咪算囉
–
第三 佢乜都管住晒
我一起身佢就會不停不停咁樣講嘢
叫我做呢樣個樣
講到我好似要開始上堂為止
其實我只係想要朝頭早嘅少少私人時間姐
點解係要霸住晒？
–
第四 自從換咗新電話之後佢就喺我部電話加咗個screentime 控制我用電話嘅時間
但係其實啊媽有時真係過咗火（？
上堂時間set screentime block 晒我啲app我接受到
日間做嘢block app都無所謂
最慘係食lunch同埋夜晚想睇吓手機佢哋都block
我真心想問咁佢點解要比電話我？
有時佢set screentime 搞到我冇得用wts
跟住佢又wts我喎
大佬咁樣點覆你呀
唔覆你你又鬧我
咁究竟你想點姐？
我平均每一日都係用6hrs
跟住佢哋就會話：「你睇吓你，用咁多電話，電話有咩好睇，無時無刻都攞住」
其實我近排考完試攞電話係多咗因為嗰陣鍾意咗設計
但係又唔敢同佢地講
因為佢哋實話我做埋啲多餘嘅嘢🤷🏻♀️
–
第五 佢哋經常性話我間房好亂
講真我唔覺得我間房特別亂
平時我會擺一疊野係張書枱嘅右手邊
我覺得咁樣方便我攞嘢
但係佢哋就喺度話我亂
不停鬧鬧鬧鬧鬧
我床尾放咗啲袋
佢又話我點解成日轉袋
我心諗唔通我出去補習又攞斜孭袋
行山又攞執鞭孭袋？
講真間房又係佢哋瞓
做咩係要管住晒？
–
第六 而家因為疫情關係上唔到實體堂
好多功課都要填google form
咁我阿媽就好鍾意無端端唔敲門咁走入嚟
首先我想講唔敲門已經好冇禮貌
真心好憎佢無端端咁樣突襲我間房
其次佢成日都話我成日攞住部ipad/手機
跟住我就同佢講我要做功課
跟住佢就話我扮晒嘢其實喺度睇電話
我解釋跟住佢又唔聽
成日都覺得佢自己係啱
其實有時真係好委屈
–
最後真係令到我超級懷疑自己生存呢做咩
佢經常性會話我做死卜街，死賤種，
又話生個叉燒都好過生我
經常性係我面前當口當面話人生最後悔嘅事就係生咗我
令到我覺得生存冇意義
係咪唔應該出世
我冇出世佢哋嘅生活尋日會更好？
我曾經有諗過同唔同朋友傾吓
但係佢哋全部都係好positive
我唔想帶d負面野比佢哋
呢樣野真係令到我呢幾個月經常性超級抑鬱同成日喊
我唯一一個解決方法就係睇我 d idol
睇嗰陣時我係會笑番
但係當我阿媽知道我睇佢哋嘅時候
佢就會話我成日都睇埋啲濕鳩偶像
跟住就會令我情緒/心情直入低谷
–
其實我講咁多我只係想分享吓同埋問吓大家有咩可以令到我係呢種生活下過得好啲嘅意見。
sorry for 1999
（如果有咩講得唔係太好可以直接屌我）
THANKS ADMIN
投稿時間：8/2/2021 00:23
圖Link: