#NSS個人
[GUEST] 我而家真係好迷惘好煩，自己唔鍾意讀書，性格係好適合從事藝術領域工作但依家又好似冇咗天份。我好想做一份工係適合自己，自己鍾意而且有能力做，賺到嘅錢唔係糊口，好想發掘自己真正嘅興趣同長處係乜嘢。
我喺 MBTI 測嘅人格係ISFP， 被稱為天生嘅藝術家。適合手工藝、藝術領域、醫護領域或 一對一嘅工作。而我喺半年前都做過一啲測試關於自己性格適合做乜嘢類型嘅工作，結果都係顯示我適合做畫家 作家 關於藝術審美嗰類嘅工作。
咁我由細到大都係比較感性，性格就係isfp啦(5詳細講咁多)，而且好鍾意一啲關於美感 音樂 戲劇 藝術 文學書籍嘅嘢。
我細個都鍾意畫畫同埋細個做嘅手工都好靚，好多人都讚過我有藝術天份，但我冇出過去學畫畫！到而家大個我冇以前咁鍾意畫畫，而且因為勁耐冇畫畫所以畫功一直退步，依家已經冇咗個個天份，其他人睇我都唔覺得我有藝術細胞。
其實喺藝術方面唔一定係話要做畫家，可以做其他相關嘅工作，但我唔知道仲有乜嘢工作好。加上我雖然係比較適合呢方面嘅工作，但如果我已經冇天份，咁點樣好？
我一直都仲未搵到自己嘅長處，但我覺得可能我嘅長處可能係喺審美藝術呢一方面，而且我都鍾意呢方面嘅嘢 。今年f3要揀科，我都唔知揀咩好 ，只想講我科科都唔鍾意(除咗bio) 。我嘅理科係好過文科 (閱讀理解作文嗰啲真心好差🤦♀️) ，但理科又唔係話好勁嗰種，雖然我maths考得幾高分 ，但我一啲都唔鐘意maths，高分係靠理解加勤力操數，唔係因天生有理科頭腦，phy同CL真係唔明+討厭呢兩科! chem依家教d嘢越嚟越難，我都唔係好明而且唔鍾意。其實我唔鍾意讀書(主要係唔鍾意背書+ 有啲課題唔理解就會搞到自己好大壓力唔想讀)，覺得自己勤力溫書都係因為已經麻木咗，覺得溫書係mandatory，但我唔係樂在其中，上堂唔鍾意嘅科就唔會聽+溫書只係死背。
其實讀書並唔係唯一嘅成功出路，仲可以喺其他好多方面搵到自己嘅興趣專長然後進一步發展。但我又冇話係邊一方面特別有天份，而且唔知可以喺邊方面發展，暫時嘅夢想就係medical job。 (題外話 我鍾意: 心理學, 戲劇, 文學小說, 詩歌, 行街, 聽音樂, 整嘢食, 睇劇, 睇書, 藝術都算係，學術啲就 Bio )
我而家真係好迷惘，我好想從事一份工係適合我，而且我係鍾意，我可以做得好好，同埋都搵到多錢 。香港讀書真係好大壓力， 我超討厭香港嘅填鴨式教育， 而且香港生活好急速。唔知點解我有啲想去外國，覺得我喺嗰邊讀書應該會輕鬆啲，而且喺嗰邊應該可以發掘到自己嘅興趣同專長，從事適合自己嘅領域，加上嗰邊生活節奏會比較慢同享受，好適合我。
可能我呢一刻好大壓力所以先話唔想讀書咁樣。不過我而家真係好煩，唔想讀書，只係想拎起一本自己鍾意睇嘅書睇下，睇下自己想睇嘅電影，整下甜品，去下郊外行下或者shopping咁樣，脫離任何同讀書有關嘅嘢，但我而家手頭上仲有好多學術性嘅嘢未做，加上好快就UT但我乜都未開始溫。
所以真係好迷惘好煩，自己唔鍾意讀書，性格係好適合從事藝術領域工作但依家又好似冇咗天份 (加上由細到大都冇學過畫畫嗰類型嘅嘢) ，我好想做一份工係適合自己，自己鍾意而且有能力做，賺到嘅錢唔係糊口，好想發掘自己真正嘅興趣同長處係乜嘢。
Sor for 1999. 求amin post🙏🙏