#NSS愛情
[GUEST] 試過起另外一個ss投過稿但admin冇理到
唔知nss會唔會畀個機會po ig呢
其實主要都係想睇大家嘅諗法同意見
(^呢三句可唔可以留低 費事人哋以為我抄返嚟 ty)
表唔表達心意呢?
本人係中六男生 同異性對方由中一時認識
同班咗兩年 之後我離咗校 但之間時不時都有聯絡
到現在都有聯絡 一個月就傾一到三次啩
雖然次次都係我搵佢 但對方都冇嫌棄或者覺得你煩嘅感覺(好似啫 或者佢覺得我真係煩)
總之都算好好傾嘅
我呢就係近呢兩年先鐘意人哋嘅
基於大家之間係朋友關係
唔想好地地摧毀咗呢個友情所以一直選擇冇講
但我心諗都就嚟讀大學
起大學認識新朋友之後可能就會同舊朋友少啲聯絡(因為我嘅經驗呢升中後就冇再同小學同學聯絡)
因為有咁嘅諗法
所以我覺得依家唔講之後就冇機會再講
但個矛盾點就係
我自認我唔係一個好好同好出眾嘅男仔
我覺得自己唔配
讀書唔叻 又唔係好靚仔
我又唔係啲咩富貴人家嘅孩子
體育又唔叻 打波都唔識
(本來參加開田徑運動但因為轉咗校所以冇再發展)
連打機都好垃圾 lol一直卡喺銀同金
總括啲嚟講就好似冇咩優點咁
我自己嘅諗法就係
人哋值得更好嘅男仔
就算我真係表白成功 但如果人哋喺大學遇到一個比我任何方面都好嘅男仔 我會希望佢同嗰個男仔一齊而唔係同我
因為我覺得鍾意一個人或者愛一個人
唔係強迫佢同你起埋一齊
而係希望對方可以得到最好嘅嘢
同埋我第二個諗法係 如果真係要表白
我會揀 中學或大學畢業時講
但基於現況我會揀大學畢業先講
雖然我就好想依家講 但我覺得做人唔可以衝動
而且人哋準備考dse 唔想影響到人哋
我希望喺大學呢四年令自己進步
讀書叻啲 執靚自己 將自己升級
當再次見面時係一個更好嘅自己 先至配得上人哋
唔知各位師兄師姐師弟師妹有咩諗法分享下
小弟就朋友有啲少 所以少同人交流 可能諗法有啲自閉請多多原諒
第一次投稿寫呢啲嘢 可能文筆有啲樣衰
中文都有啲差 對唔住🙏🏻