#NSS個人
[Guest] 有冇人同我一樣係邊緣人？
我今年中四，成日都獨來獨往。
例如：每日打開手機，基本上唔會有人搵你，有都係一兩個人咁，一句起兩句止。我有一個好朋友可以傾下計，可以分享下心事/無聊野，但係只得一個，其餘嘅就勁耐都唔會覆你message。其實我都幾羨慕可幾個人開一個group，之後係上面講無聊野。
呢排去咗自修室溫書，都係自己一個，由14:00-19:00都係一個人，如果唔係阿媽打電話嚟叫我返屋企食飯，就嚟連夜晚食飯都係自己一個人。之前去沙田買野，都係自己一個人搵路買野。
又或者要去打排球，我本事唔係排球隊，但係識少少猜波咁，同入面嘅人唔熟，所以成日都自己一個落去對牆猜或者自猜自接咁，之後買飯返屋企一邊睇動漫一邊食。平日假期，除非我主動約人出街，如果唔係基本上唔會有人約我出街食飯。
有冇人同我一樣係邊緣人？
（一個人原來都可以盡興～）
Sorry for 1999