#NSS學業
[應屆dse考生] 大家撐住呀！！！！
屋企人中咗招，等得正苦嚟都好返晒，所以就喺家居隔離算，但係生活模式可以話改變咗好多，除咗食飯沖涼瞓覺其他時間都要帶口罩，吸少咗氧氣，加上本人住新界近排凍到癲🥶自然個腦都慢啲，同埋食飯要分開食就少咗同屋企人傾計😢一日到黑都係自己一個過，而且仲要擔心唔好受感染，雖然話同感冒差唔多，但係中咗又頭痛又喉嚨痛又乜又物真係會好影響溫書，原本考dse已經大壓力，依家仲飛來橫禍，真係頂唔順呀😭
不過都同同路人講聲加油！！不論你身處咩情況都好，都要記得博盡無悔，辛苦埋嚟緊呢兩個月到，就可以見證你咁努力得來嘅成果，撐住！冇咩事我返去溫書先喇~