#NSS愛情
[Guest=] ] 大家好！我係#NSS211109D樓主，我又又嚟投稿laaa＞＜我希望可以分享下同A嘅故事令大家笑下（？）
長文慎入😵
是咁的，我同A 喺上星期過左第一次情人節。A媽喺 12號嘅時候打比我媽咪，同佢講14 號果晚想一齊食飯。想當然，我親愛的媽咪答應咗。
情人節當天，上完堂大約兩點，忽然聽到門鐘響起。「叮噹」一打開門，原來係A同佢細佬。我好震驚，冇諗過佢地會咁早上嚟，最重要係我仲着住睡衣同未執屋🤦♀️A同我講A媽叫佢地上嚟同狗玩住先。放左佢地入嚟之後，A細佬同我細佬兩個一齊撩狗玩，而我同A就咁坐埋一邊。我地其實仲未公開關係所以都唔敢有太大動作，亦唔敢講咁多野。
我實在忍受唔到呢種尷尬嘅氛圍，就決定落樓下行下。A 表示要同我一齊行，稱自己想活動下筋骨。當然，我地最終兩個拋棄細佬們出發。點講都係情人節，我同佢講咗句情人節快樂，A都答返我一句 Happy Valentines Day 。當刻我為自己有帶口罩感到慶幸，我諗我嘅嘴角已經翹到上太陽。
大約一個鐘左右，我同A 返返屋企，又再次繼續沉默。冇幾耐，另一家人上咗嚟。佢地留咗一陣，就準備去買野食，所以將佢地仔女（一個五歲一個六歲）放着喺屋企先。陪小朋友玩真係好赲，我被迫一路玩飛行棋，一路諗點樣輸比佢地… 但當然，無論如何都一定要掛上笑容，話哂唔可以掃佢地興 ga 嘛～
總之呢，陪小朋友玩左一陣，我同A都已經精疲力盡。我地將佢地交俾細佬們然後就入房休息。當然冇可能淨係休息咁簡單，我地喺房裏面温習。（唔係你以為係咩：）果然温習使人愉快～溫呀温，三家嘅父母都上哂嚟我地都仲繼續房温緊書。
咁主人房就喺我房隔離，隔音唔係非常好。我忽然聽到A媽把聲：「個死仔包最近好似同緊你個女拍拖wor。」哦～原來係班貴婦傾緊計。mmm… 咪住，佢講咩話？佢點知ga！我即刻以眼神質問A，不過佢好似都唔知點解。唉算啦，我繼續同A偷聽佢地嘅對話內容。「你點知 ga？我真係完全冇發現！」只聽見我媽咪非常好奇地問A媽。「係咁嘅，我個仔佢之前同你個女傾完計冇熄機，聊天紀錄比人睇哂咁，所以咪知囉。」「我成日都覺得佢地好鬼襯，點知真係一齊左，真係可喜可賀！」此時嘅我同A都已經面紅耳赤… A嘆息：「我仲以為佢唔知… 不過算啦，如果你介意的話。」冇事，當然唔介意，只係有啲羞恥啫… 唉反正都比佢地知道咗，咁無謂收收埋埋啦。我地決定唔理咁多。
食飯途中，我同A不停俾班貴婦追問，實在係壓力山大… 唉，冇計啦，我地惟有全盤托出。事情就咁告一段落。A喺臨走前偷偷同我講：「反正我有全～～～世界最好嘅女朋友，你又有全～～～世界最好嘅男朋友，怕咩比人知？」講完之後留下一抹微笑就離開咗。啊！！！！點解佢咁 L 可愛，對心臟實在太唔友好：（不過佢又講得冇錯，反正我又唔係做咗D咩虧心事，怕乜？
好，完結。多謝你睇到呢度！我都冇諗過自己打左咁多lol，有機會下次見！( ˘ ³˘)♥︎
Thanks admin!!!