#NSS愛情
[Guest] 女朋友追男星男朋友呷醋係咪唔正常
是咁的,小弟有個女朋友,一齊的時候已經有追星,但係冇追男團。唔知道點解同咗我一齊之後就開始追,仲越追越多男團。我明可能我係敏感咗,但係每次見到佢咁鍾意第二啲男仔我都會呷醋,叫曬老公咁真係好難頂。我從來都冇話過唔畀佢追,但佢越追越多,我覺得我好似越嚟越唔重要。追緊星嘅人一定覺得冇問題。但係我一個唔追星嘅人真係唔明白同埋會好唔開心。次次傾親呢個話題就鬧交,應承過我嘅嘢好多都當冇應承過。我明白我要尊重佢嘅興趣,佢係咪應該都要顧下我嘅感受？呢個問題已經持續咗好耐,我真係唔知點算,次次都因為呢樣嘢而鬧交,傾完佢應承過我嘅嘢又當耳邊風,想問下各位有冇辦法令佢可以明白我感受,定係其實問題出喺我身上？希望一啲非追星族或者有同樣經歷嘅人可以教我點做(唔該唔好淨係叫分手)🙏🏻
Thx admin🙏🏻🙏🏻
Sorry for 1999