#NSS其他
[何文田某間中學] 話說1月12號星期三我同兩個frd放學行落斜路嘅時候，突然有個男人着藍色衫啡色褸行埋嚟搭訕，喺到話「咁早放學嘅」「你哋幾年級」，開頭我都無乜所謂，可能佢想搵人傾下計，係咁咦敷衍下佢，之後就行快兩步撇甩佢，點知佢追上嚟，突然之間嗌我咩唔好打咁多飛機，我o晒嘴唔知點應佢。之後我行埋一邊綁鞋帶順便俾佢行先，雖然個男人冇停低等我哋，但係佢邊行邊另轉頭，睇下我哋落嚟未。佢見我哋唔太show佢，佢就行快兩步撩前面隔離學校一男一女，唔知個男人同佢哋講咗啲咩(應該係啲唔太好嘅嘢)，佢哋就即刻行得勁快，之後個男人見又冇人睬佢又另轉頭睇下我哋到未(我幾驚個怪叔叔突然跑返上嚟亂噏呀😖…好彩最後都冇…)