#NSS個人
[GUEST] 小妹今年F2
我覺得自己情緒變到好辛苦
中一開始就冇乜朋友，係最近先發覺好似唔係好掂
每晚既時候，屋企冇人，或者自己一個係房就會起勢咁喊
係喊到頭痛勁攰個隻，但係冇原因咁喪喊
或者突然諗起啲小事就會喊
好似唔知邊到忍返後既情緒一次過決堤
亦都有時候喊唔出，就會變到好炆憎，不停un 腳
我係屋企人或者同學面前正正常常，有講有笑
但係我覺得自己個感覺好假，好夾硬咁笑
佢地走左得返我自己一個既時候，又係變到好down，跟住又再喊
每日都好頹廢，訓完又訓，訓極都係攰
每朝早訓醒都唔想起身，手腳唔想郁
試過一癱就癱成粒鐘
個心成日都la住la住
個腦成日都出現好多負面諗法
「點解我會變成咁，點解人地咁開心我就咁down，點解我比唔上人地，點解冇人明我」
成日都有種感覺就係世界得返自己一個
好大壓迫感，覺得冇人會了解我明白我
但係又好想人地去「救」我
我自己有追開防彈，起碼個人有時都開心啲
好反覆諗過死亡呢樣野，但係沒諗過計劃輕生
望住手碗就會幻想有鉸剪去割佢
就會覺得隻手碗好痛
我覺得咁樣好痛，唔捨得屋企人
但係成日壓力好大就會用野狂打自己個頭
個感覺係舒壓既
亦都有試過用筆尖狂吉自己隻手
會無啦啦打自己
個感覺就係我表面好地地，實質我好唔開心
我唔知點解我會變成咁
我係咪有情緒病，我又好驚唔係情緒病
或者係精神病
定係自身性格問題，我會好討厭自己…
Sorry for 1999