#NSS個人
[guest] 小妹今年f5，感覺自己性格越黎越差，點算好？
係咁嘅，小妹以前脾氣超好，完全唔識嬲，所以都算受人歡迎。老師同學、親戚朋友都成日讚我，捧到我好高，我諗可能就係咁搞到我越黎越自大。
升咗高form之後，讀書壓力大咗，打機搞到脾氣都大咗。可能俾人讚慣，我咩事都要求自己做到最好。雖然做唔到班入面最top嗰批，但一定要做我班frd入面最top嗰個。直到有一次我有個frd喺我面前炫耀自己有幾叻，我先發現其實幾黑人憎，所以逼自己低調，到而家已經收斂咗好多。問題黎啦，雖然我唔會特登去炫耀啲咩，但一旦有人串我或者睇低我，我就會忍唔住嬲，其實咁樣係咪有啲公主病？我好憎咁樣嘅自己，心情好易俾人影響，EQ都低咗好多，應該點樣改善(｡ ́︿ ̀｡)