#NSS個人
[Guest] ［想問下大家 有夢想點同屋企人講？］
我相信好多人細個嗰陣都會有好多夢想，我有想過做護士、老師、YouTuber……..但係維持最耐嘅係演員+歌手。
我認我唱歌未到好好聽，但係確實唔差（可能太過自信💩🤦🏻♀️）
雖然我只係一個F.1仔（女），但係有夢想先有目標生存。
可能你會話年紀輕輕諗咁多做乜、夢想唔可以當飯食、唔好發夢、咁樣無出路………
但我係認真嘅。
而我唔敢同屋企人講嘅其中一個原因係我聽過我哥講過：「夢想唔可以當飯食」
同埋我屋企人成日攞我嚟講笑（雖然真係無心），我又容易冇自信（雖然表面上好似面皮厚）。而我確實一直知道自己係認真嘅。
我有諗過用咩方法/途徑入娛樂圈：中三揀Drama，之後讀表現系、搵多啲比賽參加（一定*唔會*係TVB嘅)、做KOL嗰類嘅嘢…………
仲諗過去邊度發展：我又好想喺香港發展，但係又驚如果係喺香港會發展得唔好，又如果紅咗，出咗香港又係冇人識。唔係話香港唔好，只係個圈子細（唔好鬧我，冇其他意思）
總之我係認真㗎啦。
但係做呢一切嘅第一步係同屋企人講，呢個最大難題之一。（其實我一直搵緊機會問佢哋最唔接受我以後做乜）
可能好多廢話，但係都想問下意見。
Sor for 一大堆廢話+唔知有冇錯別字，但係唔鍾意睇就唔好睇，冇人迫你🙏
Thx admins.🔥