#NSS個人
[Guest] 小妹我係一個好容易唔開心嘅人 可能係上年經歷咗好多唔開心嘅嘢 搞到自己越嚟越負面 我平時俾人嘅印象係好樂觀 好熱情 亦都有好多好朋友 但係好多都唔係真心 疫情期間 好多身邊好frd嘅朋友都離開我 話我太負面等等 其實我真係唔想咁負面
我自己都控制唔到 一諗到啲唔開心嘅嘢就好容易唔開心 有時人哋無意中講我壞話 就覺得自己好似乜嘢都做唔好 覺得自己好差 越嚟越自卑 變到而家連唔開心都擺晒喺心裏面唔同人講 總覺得自己好似做錯 做乜都冇晒動力 小妹一直都好想改自己呢個心態 但係一直都改唔到 其實係咪自己太過在意人哋眼光？