#NSS家庭
[GUEST] 呢排omicron越嚟越嚴重，其實好多家庭嘅經濟都差咗，我屋企都唔例外，我唔知我有咩可以做到…
講吓背景先 小妹今年f1 同阿爸阿媽+工人
阿爸每個月嘅收入暫時都穩定
應該有$20000內
但佢係一個好自私嘅人
成日唔想俾家用 唔想比我補習
就連食飯嘅錢問佢攞50都係借 要還
連家用都唔俾/比勁少我嬤嬤
feel唔到佢錫佢嘅家人
我阿媽係私人瑜伽老師 本來收入穩定
但自從有咗omicron 好多學生都冇再上堂
我阿媽係負責比我補習嘅錢+工人+零用
我阿媽真係好錫我 有次同佢傾偈
佢提及到佢而家每個月都蝕緊錢
要用自己儲嘅錢維持生活所需
但係呢個情況佢仲比我補習加堂 因為我成績太差
跟住成日話我唔夠零用錢記得問佢攞
但無耐之前先同工人續咗約 兩年後先有得解約
所以每個月都要繼續俾錢請
再加上我屋企人要返工 佢哋話點都要有個工人係屋企
但我媽咪而家每個月賺得個幾千至一萬蚊…
邊負擔到咁多？
我見我媽咪睇穿咗我嘅擔心之後佢少咗同我講
我當初都以為係咪經濟好返…
但直至到尋日（19/1）我聽到我阿爸同佢講
你而家賺得咁少唔好俾家用婆婆啦
同埋叫佢唔好俾我補習 跟住我阿媽冇聽佢講
我覺得自己真係好對唔住媽咪…
我覺得我自己好似成為咗佢嘅負擔
佢對我咁好但係又做唔到啲咩…讀書又差😐
我想問問各位我有咩可以做…
順帶一提 我想同各位講 你哋屋企有穩定嘅收入
你唔需要擔心屋企嘅各種野
即使讀書辛苦 屋企人逼你補習
但都唔好埋怨啦…我以前咁樣而家真係覺得自己好衰