#NSS家庭
[Guest 019264528] 最近小弟好無助
希望大家可以俾啲意見
是咁的，屋企以前家境唔錯。由細到大都係阿爸阿媽同埋B一齊住。但自從有屋企人賭錢輸晒之後，又八百幾呎（買、私樓）搬到四百幾呎（租、居屋）。
我都冇乜怨言，始終我知道我並唔係最痛苦。但係，今年都14歲，屋企人開始俾啲壓力我。
講話要讀啲名牌大學（香港）然後又話第時仲要買樓比佢哋，然後又要每個月比一萬佢地。
咁大佬呀我自己未來都要生活我都要買樓或者租樓比自己。
當然最好梗係買啦，我已經唔想自己嘅小朋友咁辛苦，但就算只係生一個都好都要唔少錢。
而家屋企嘅收入只係啱啱好夠用，佢哋咁樣講完之後每晚我都只可以自己飲泣，B試過凌晨起身問我做咩咁樣喊，我只可以拍下佢個頭同佢講話冇事。
雖然自己讀緊一間Band3學校，但係身邊九成嘅同學都勁有錢（可能只係對比我來講）
佢哋嘅父母最少都有一層樓，三百幾呎去到七百幾呎見過見過。誇張少少嘅四五層樓都有。
佢哋成日都話第時搵唔到，嘢做咪做啲普通啲嘅工囉，我聽到之後我都唔知點回應（佢哋講緊嗰啲係萬幾蚊一個月嗰啲）
見到咁樣嘅情況自己真係勁大壓力，每日都好想死，我唔知點樣「負責任」我真係好唔開心基本上日日都勁大壓力，但係嗰個朋友又一定唔會明白我嘅情況。我真係唔開心到痴線，我想問吓有冇咩方法可以冇咁大壓力？（自己有偷偷地食煙，但長遠落去都唔係辦法，仲要好貴）