#NSS社會
[GUEST] 今日突然睇到一個舊案係1997年發生嘅重大殺人毀屍案件（秀茂坪童黨燒屍案），作案嘅人全部都係十幾歲嘅少年，詳情可以自己上網搜尋，童黨嗰啲人做嘅嘢固然唔啱，但係如果父母可以俾多啲關懷同愛，老師可以俾多啲希望畀佢哋，而社工都認真咁對待，係唔係可以減少呢啲事情發生？我睇到呢件事我都有同我一啲嘅朋友分享，但係我啲朋友都好習以為常，好似冇任何嘅感覺，覺得童黨打人呢啲事情成日發生，只係冇咁嚴重。但我想講唔係呢啲事情成日發生就代表係冇問題，我覺得除咗環境嘅因素，更加重要嘅係社會嘅人係冇將呢啲事情重視，令到呢啲事情先會不斷咁重演，我唔係聖人，但我覺得童黨嘅出現係好值得我哋反省反思。
「每日暫停十分鐘 聽聽少年心底夢」
sor for1999🙇🏻♀️🙏🏻🙏🏻