#NSS其他
[GUEST] 有D人嘅行為真係完全令人難以理解。話說有一日係小巴站等小巴，有十幾個（港島東）XX中學嘅學生超級嘈，仲要係度跑黎跑去，根據身高以及佢地嘅行為，就知一定係中一學生。起初我都冇為意佢地講緊咩，覺得佢地一大班人，嘈少少都好正常，只係當佢地係一班比較小學雞嘅學生。
之後上到小巴，好唔好彩同佢地同一班。以為上到車佢地會靜D，點知更加嘈！係大叫出黎嗰種，成架小巴都聽到佢地講野。而佢地仲要係度講埋D咸野，更過分係，居然當住全部乘客嘅面模仿X叫，成架車都聽到曬。之後睇到我o曬嘴嘅係，居然有一個人坐係另一個人上面扮車X，搞到成架車都係咁搖，而其他同學睇到仲笑得特別大聲。
之後個司機就鬧佢地，叫佢地如果繼續嘈就落車，佢地的確有靜左少少，但係明顯冇悔意仲完全唔覺得自己有問題。其實嘈少少我都理解，畢竟佢地咁多人。但令人難以理解嘅係，點解可以可以係公眾場合，著住校服做埋D咁嘅行為？唔通佢地唔驚比人向學校投訴，真係可以咁唔要面？如果大家見到會點做？
Thx admin🙏