#NSS個人
[Guest] 小妹今年f3, 仲好記得小三嘅時候俾人欺凌。雖然唔係好嚴重，但而家諗返起都有啲心酸，想同大家分享同埋講吓自己嘅感受。
我小二就識左一班friend , 日日都同佢地玩得好開心，相處冇問題。但當我升小三嘅時候，因為一個新同學嘅介入，搞到我開始俾個一班friend排斥。 佢哋會成日用我對佢哋嘅信任同埋感情嚟玩我，例如小息特登放我飛機（ 我嗰時日日冇人陪，好孤獨）又喺我面前講我壞話，令到我好難受。
但我當時好天真，就算佢哋咁做，我都好想爭取機會同佢哋玩，做返好朋友。我嗰時唔明白點解本身同佢哋咁friend, 無啦啦就變成咁樣。
後來佢哋越嚟越過分。 上堂嘅時候，當我答錯問題或者比老師話，我都見到佢哋會喺度笑我。
佢哋甚至會係班上面做一啲行為/講一啲說話令我尷尬。
有一次作文嘅時候，老師上咗staff room , 我無塗改帶，就諗住問其他人借。但個一班排斥我嘅人竟然叫所有人都唔好借俾我，然而最後真係冇人借俾我。我嗰時真係好唔開心。
但我覺得好奇怪，唔知係唔係因為自己嗰時真係好天真，唔會諗好多嘢。我嗰時好似都冇乜因為呢件事而喊， 但係有時會唔開心。（都唔會成日） 其實嗰時都完全冇朋友咁滯，都唔知點解自己咁都冇乜嘢。
其實我點解嗰時又唔會好唔開心好唔開心？
Sorry for 1999, 屌細力D🙏🏻🙏🏻🙏🏻