#NSS個人
[(Guest)] 呢篇文純粹係發洩文
小弟今年中四，喺英國讀緊year 11。由於封城所以我十二月返咗嚟上網課。好啦依家學校就叫我哋返去準備五月份考試，所以我訂咗機票復活節返，然後再隔離十日再返學。
好啦問題嚟啦，因為呢個四十二日隔離(擺明係政治操作)我同我老豆老母都唔expect我會暑假返嚟，換言之我會喺英國過暑假。自上年國安法通過之後我退咗休嘅老豆(攞咗citizenship幾十年，搬去英國係佢多年前嘅plan)成日叫我老母提早退休攞走嗰幾百萬退休金去英國買樓嘆世界，而佢哋已經開始慢慢執屋諗住放盤。即係話呢兩個幾星期極大可能係我喺呢個住咗十六年嘅屋企既最後時光。認真，我從來未試過咁唔捨得呢個地方。過去嗰半年我呀婆同呀公都走咗，淨返我呀嘛仲在生，但係已經九十幾連我嗰樣都開始認唔到仲要身體越來越差，我走咗代表我以後九成都唔會再見到佢。
其實英國氣候同天氣都差過香港好多，老豆呢幾年都喺英國住，佢不嬲都有長期疾病，嚟英國之後身體明顯差咗。佢已經六十幾(唔好問點解我都想知)，我有時擔心佢會唔會有一日突然唔再喺度？我聽過佢同朋友講要走都要等我大學畢業先走，嗰下我呆咗。
仲有，我本來year 10不嬲都考得幾好，但係隨住越來越多嘢要讀(我take12科)，我先發覺其實我自己嘅讀書方法好錯同inefficient，加上我上年暑假hea過同本身有啲科因為網課已經落後進度，再加上上述嘅焦慮同我成日procrastinate，我依家嘅考試(上網考)考咗幾科都炒，尤其是一科我呢兩年次次考第一考贏哂啲鬼，今次連份卷都做唔哂(文科)。最重要嘅係我屋企人需然無話成日逼我讀書，但係佢哋somehow我覺得會expect我攞高分，我老豆仲想幫我報間更好嘅私校，我真係唔知點樣面對佢哋。有時會諗不如死咗佢好過，但係都放棄念頭。
其實十六歲喺咪真係要應付咁多煩惱？近排我晚晚都訓唔著喺度喊，對自己嘅未來感到非常迷茫。有時心了諗點解世上咁多家庭我偏偏要去正呢個？因為呢啲問題我健康亦差咗好多。
好耐冇打中文sor for 1999 識我勿相認
admin po ig thanks
21-3-21