#NSS學業
[某英中] 小妹今年f3，為揀科已經煩咗幾個月，我已經諗好咗x1同x2一定揀bio同chem，再修個m1/m2，但x3我真係諗唔到揀咩好。
首先我一定會排除咗中西史，因為我對呢兩科係非常之抗拒。暫時嚟講可以選擇嘅就係Phy, econ同geog，但我對呢三科都冇興趣。
Geog ，同中西史一樣，因為冇興趣所以上堂都唔會聽(聽唔入腦)，跟住考試就係死背，我絕對唔係文科嘅材料，而且屋企人都唔鼓勵我讀揀呢科，因為覺得冇乜用。
咁即係我得phy, econ可以選擇，但我真係唔知揀邊科好。我暫時嘅夢想係喺醫療嗰方面發展，所以DSE嘅分數都要較高，如果有修phy應該會有優勢d，但我唔擅長phy。而家f3教啲嘢係basic concept，之前教reflection嗰課，我都操過唔少ex. ，但操嚟操去都係有啲題型唔識做，即係我唔明佢個concept，咁當然最後考試都考得唔係好高分啦。而家啲嘢係基礎野，如果我咁都要搞咁耐仲要唔明，我真係唔知點handle高form嘅phy。
到Econ，我對商科真心冇興趣，而家教緊嗰啲我都唔係好明，不過高中curriculum嚟講應該會容易過phy掛。
就算揀phy係有優勢，但如果我因為phy而拖低咗我DSE嘅整體成績，咁樣都係入唔到醫療嘅學系，整體成績下降又會影響到我揀其他學系。
依家通識又變咗計ABCD，我唔清楚畀唔畀drop科，其實與其諗drop科不如諗揀咩科適合自己好過, 但x3我真係搵唔到適合自己嘅科。閒科嚟講我只係對Bio有興趣，chem都ok啦。
所以我x3揀phy定econ好🤦♀️
大家可以comment下畀啲意見 Thanks🙇♀️