#NSS家庭
[scc] Admin po ig pls thx
是咁的，我屋企係單親家庭，同阿媽生活。
但係呢幾年突然發現，我同阿媽關係好係越嚟越怪。有時佢話要買嘢比我，我就算想要都會下意識拒絕佢，真係買左返嚟我都唔會收。更何況問佢「可唔可以買呢個？」或者「我想要乜乜乜」……升中一嗰年，阿媽第一次比零用錢我，比咗五百。話我大個女，可以有零用錢去買下嘢……我心入面唔想收，但阿媽係都要塞比我。我收咗之後突然勁愧疚，喊咗成晚，結果冇用過。
每次見到同學可以好自然咁同屋企人講「我想飲嘢飲」，「可唔可以出去玩」我都好羨慕，因為我都唔敢咁講。我覺得我阿媽算好溫柔，體罰次數都屈指可數．更唔計較我成績。但我覺得我欠咗佢，唔係我佢都唔會忍我阿爸咁耐。
想問其實有冇人同我一樣？或者都係單親家庭長大？我可以點樣同阿媽相處自然少少？(佢唔惡，我無被家暴，係我問題)
對唔住有啲1999……
Thx admin