#NSS社會
[GUEST] 「政治真係好L煩啊」
.
唔該大家唔好diu我住🤗
只不過希望大家撳入嚟
睇埋下文先
.
話說小弟今年去左外國讀書
識左唔少香港人
冇幾耐大家開始熟左少少
跟著傾開計
大部分人都話自己係黃嘅
個陣時心都安樂左d
因為話晒都係同路人
.
但係過左一陣
見到佢哋部電話入面
好多都有抖音 Wechat 微博 等等 中國製造嘅App
跟著又話返香港好掛住某某藍/紅店
仲有人喺我地播高登音樂台同埋晴天林嘅歌嘅時候鬧我地 話我地犯法 （但係佢宣稱係黃）
最誇張嘅係有人直接話自己係中國人 但係其實係有選擇 可以話自己係香港人嘅
每次見到新聞同幾個傾得政治嘅friend討論就比個d人啤住
唔知得罪左佢d咩
.
第一 你地唔鍾意傾政治
唔緊要 但係點解唔可以比人講
成日都話驚犯埋d乜乜乜法
咁你不如留返係香港依個大監獄好過
再加上 我地又唔係逼你講
但係我地討論時事係我地嘅自由
衰d講句 你咁樣同香港/中共政府有咩分別
.
第二 你地口口聲聲話自己係黃嘅
但係手機入面用埋晒個d中資嘅app
又食埋藍店 睇CCTVB
提下佢地嘅時候 又比佢地話返我轉頭
話我政治上腦
話政治真係好煩
但係其實喺香港
你唔搵政治 政治都會搵你
你唔抗議不公嘅事情
一切只會越嚟越差
到時可能連僅存嘅自由都冇埋
.
第三 我真係唔明點解有d人
好似為自己香港人嘅身分覺得羞愧
逐步自願同大陸同化
佢地有陣時直接講普通話
點解有自己母語唔講
要講侵蝕緊自己屋企自由嘅人嘅語言呢？
唔通佢地真係比中共洗晒腦？
.
如果我地連少少嘢都堅持唔到
未來嘅香港
又點靠我地依班後生仔呢？
唔通香港真係要變做中国香港市？
.
多謝睇到嚟呢度嘅人
純粹有感而發
sorry for 1999
admin pls post IG