咁小妹今年F2係轉校生。係上一間學校開學(o week) 嘅時候識咗一個女仔唔使三個月佢就同我好friend，大家已經知道曬對方所有野。 返番正題，我係一個好鍾意分享同問人意見嘅人，好似我問佢，買iphone應該買邊一個型號，佢會好hea咁答我，話咩「得喇得喇知你有錢呀唔好再曬命啦」。 但其實我真係唔知道應該買邊款先走去問佢， 再加上佢用開iphone， 咁我梗係走去問佢啦 。其實佢講呢句野我好心痛，不過我就唔再講落去， 亦都唔想再問落去。
有一次我同佢出街， 佢講嘢勁大聲，勁興奮，見到啲咩就攞上手，摸上手。 我又唔知點同佢講，啲人都係咁望住我哋 我有叫佢細聲啲，但係佢都係話「得喇得喇知你細聲啦」就咁完咗。然後繼續勁大聲咁講嘢。 完全唔知道自己啲禮儀 都唔知係咪家教問題去曬邊。
仲有，我頭先話咗我係一個鐘意分享嘅人，我每次有啲好開心嘅野想分享，佢就會用一啲嘢去同我比較，可能好似，我開咗成日會我好攰咁就特登抽咗啲時間同佢傾計， 同佢講電話嘅時候，我就話「 今日好辛苦開咗成幾個鐘頭嘅會仲要mark咗好多嘢，手都跛咁濟」。然後佢就會話「你開咗成日會就叫辛苦 咁我全日留喺屋企咪仲辛苦，冇嘢做」 。 佢講呢句嘅時候，其實我係好唔開心。我係想同佢分享而唔係同佢去比較。佢咁鍾意比較，咁咪搵其他人同佢去比較。 憑乜嘢每次我都要受佢同我嘅比較嘅氣。 仲要每次比較都係我想同佢分享嘅時候， 搞到我真係冇曬心機再同佢去分享落去。
每次佢一問我意見我就要好仔細咁答佢 ，唔答佢，佢就係咁追問落去。而我問佢意見你佢就勁hea嘅咁答我。
多謝大家睇到呢度 純粹想發洩 我真係忍咗好耐，希望我唔會寫到的一舊舊咁。
最後希望大家可以畀一個提議我點樣可以改善佢呢個習慣 （成日同我比較）。
［quit咗佢係冇用㗎 佢阿媽同我阿媽好friend。］