小妹今年F2，有妥瑞症（自己上網搵過病徵。
最嚴重係小六嗰時，父母唔知我有呢個病，所以每次見到我病發嘅時候都淨係喺度鬧我怪胎。俾人咁講真係幾hurt下，何況係自己嘅親生父母？佢哋唔只冇諗過我嘅感受，更冇嘗試去了解過呢啲病徵。
因為呢個病，有一排我成日係度諗自殺，直至我接觸到《爆漫王》呢套動漫。（有興趣自己search嚟睇，呢度唔詳細講。）雖然一直都有睇開動漫，不過之前從未諗過要自己畫。睇完《爆漫王》之後我先確立到「要自己畫漫畫」呢個目標。可能呢個夢想有啲不切實際，不過對我嚟講冇夢想嘅話不如死咗佢算。我畫畫都有啲底，一直練落去嘅話我唔信會畫唔到漫畫，如果我諗嘅漫畫劇情唔掂，就搵人搭檔一齊畫，只要唔放棄夢想最後一定會有出路。
睇動漫唔只係一種娛樂，甚至係可以俾到你啟發，所以希望冇睇過動漫、未了解過動漫嘅人唔好隨便去踩🙏有啲嘢對你可能冇乜意義，不過對其他人就唔一定。
希望大家都可以實現到自己嘅夢想。
sor for 1999