是咁的 平時我學校都有班frd嘅 分成ABC 啦
我係黃嘅 咁我都知BC 佢哋兩個不嬲都唔會玩任何大陸game，A我就唔清楚
近排先知道原來A一直有玩陸抖&王者😅 陸抖係A自己鍾意 王者係因為佢要陪啲小學同學（咁佢啲小學同學多數都係又玩和平 王者 抖陰嗰啲人）
B知道A成日都玩陸抖&王者 都有問過我down唔download好 我又唔想太直接 我就暗示叫佢唔好down啦 咁最後B都係download 咗，佢又說服我download，我一直拒絕
咁C佢最friend就係我哋，佢見A B都玩 佢自己又download （佢之前話自己係黃）我嗰刻就勁無奈 咁香港地區download唔到依兩個app 咁佢又唔識得轉地區 咁我就暗示同佢講不如唔好轉 但佢堅決去轉 佢見我一直都幫唔到 佢就不停問人🙃
之後而家到A B C說服我download 又話乜嘢我哋四個可以一齊玩 咁我就一直咁拒絕（我有刻意話因為自己係黃）佢哋就話求其啦，甚至搵埋四個”閨蜜”頭像 話佢哋搵頭像搵得好辛苦 快啲download王者一齊換😅 我成個人梗係呆咗啦 我都已經不停拒絕 你哋係都要逼我 之後佢哋自己王者各自用咗三個所謂嘅”閨蜜”頭像 贏咗有cap圖send過嚟 又話王者邊度邊度好玩 邊度邊度好正 又無啦啦send啲”搞笑”抖陰片過嚟 有時我哋四個calling A B C 佢哋一個播大陸歌 另外兩個哼下唱下咁樣 每次同佢哋call真係好想Cut線 有推薦啲濕鳩大陸歌😅 真心好少乞人憎
有事我都諗緊同佢地frd唔frd落去好 始終我哋都有成日互相幫 有時一度call一度溫書 雖然中學先識 但感情都好好 問題都係以上嗰啲
我應該點做好？