我嘅夢想 係做一個唱作人
我由細到大 都希望可以靠自己雙手 救返廣東歌
但當我每次講出嚟
就一定會比人話「照吓鏡先啦」、「咪玩啦，邊搵到食㗎」、「你咁嘅質素想做，咪玩啦哥仔」等等等等
可能大家同佢哋嘅想法差唔多
但唱作幾時變咗睇樣；唱作幾時變咗不務正業；唱作幾時變咗會比人笑嘅職業？
點解救廣東歌呢件事，大家會覺得咁兒戲？
大家經常話香港歌唔好聽，同你唔啱key。但你，又有冇真真正正咁聽過一首新嘅「廣東歌」。
雖然，同當初輝煌時代，真係冇得比，但都不至於被踩到連垃圾都不如。
你
當香港人自己都不願踏出第一步嘅時候，誰會願意呢？