Hihi, 大家好~ 唔知大家細個同而家嘅性格有無啲咩唔同呢？呢件事都困擾咗我一段時間， 咁原由呢就係咁嘅…我而家就中三，我小學五年班嗰時全級宿營啦，咁啱有個幼稚園同班嘅同我一間房（我哋八個人一間房）。我不嬲都同佢唔係好friend，不過未都見到就嘈嗰隻嘅，嗰晚唔知係度搞乜啦，開始嘈起上嚟，咁之後佢就同我講：「你不嬲都成個公主咁㗎啦，幼稚園嗰時已經係啦！」我當下真係好愕然，心諗：乜原來啲人係咁睇我㗎… 我當時都唔開心咗陣，因為個人都唔鍾意公主病。之後我就係都反思，究竟我係幼稚園嗰時做咗啲乜，但奈何我對幼稚園嘅回憶都係非常之朦朧， 可以肯定嘅係，我嗰時一定唔係收歡迎嗰堆，即使係去都五年班都唔係。
有趣嘅事就係， 我而家嘅情況好好多，至少個個人都可以吹到一兩句，甚至係比我其中一個frd話我溫柔喎 （信我，我聽度嗰時都呆撚咗）， 連我嘅彈琴老師都係咁話。正正係因為咁兩極嘅評論令我係度諗邊個先係我嘅真性情，先係呢度投稿問下大家。
我嘅問題係， 而家人哋眼中嘅我係因為我更加識得去隱藏真正醜陋嘅自己呀？換而言之， 變得更為「假」、 「圓滑」。定係我細個嗰時純粹係心智未成熟所以先會唔知點做？ 但係人哋通常都係細路仔嗰時心靈係最簡單，無受到外界嘅制度同規矩所限制而作出最為自然嘅反應。 咁我細個嗰時咁刁蠻，「公主病」，係咪則係代表我真品性：自私、蠻不講理？
跟住其實個問體已經延伸到去人性嘅根本會唔會收外來影響而改變嘅問題。 如果唔會變嘅話，咁我呢一切都係為咗社交而作出調整嘅偽善。咁樣你唔會覺得係一件好令人嘔心嘅事咩？ 有無人可以解答下？thxxxxxxx
Sorry for 1999