點樣走出校園欺凌
啲男同學見到我好似我係病毒，即刻跳開， 所以我一米內基本上都唔會有人，有時唔小心掂到佢哋或者佢哋啲嘢，佢哋就會瘋狂去洗手，有一次調位同咗一個好唔鍾意我嘅男仔同桌， 小息嘅時候有同學 趁同桌唔喺課室將我啲嘢放咗去佢個枱度， 跟住佢返嚟之後掃曬我啲嘢落地，嗰陣時我啱啱好返到課室，其實已經忍咗好耐，嗰次見到之後忍唔住，爆發咗咁耐以嚟委屈，最後仲要驚動埋訓導，其實講真話啲老師根本就幫唔到啲咩，啲男仔都係老師之前一套老師後一套， 啲女同學成日喺我背後指指點點(係廁所聽到)，我真係懷疑緊自己係咪真係咁污糟， 同埋唔知點解一見到啲同學交頭接耳就覺得係討論緊我，而且好在意人哋嘅眼光，我知道呢啲反應都係唔正常㗎，但係我真係唔知點做