小妹喺一個單親家庭長大，由細到大都係唔夠膽都人哋講自己屋企點樣，亦好羨慕人哋一放假就一家人去旅行。
喺學校，D同學聽到人哋冇爸/媽就好似好驚訝咁，又會話冇爸/媽咪又係咁，你咪仲開心D，唔使俾佢哋管，但係其實我哋心入面係唔開心，父母離婚我哋都唔想，你哋覺得理所當然嘅父/母愛，可能係我哋呢一世都得唔到或者好難得先會有嘅嘢。
可能你覺得單親咪又係咁，但係每次親子活動，人哋爸爸媽媽都喺度，而我係得媽媽一個喺度，我自己睇到其實都真係好唔開心，但係我又改變唔到呢個事實。
唔知大家點睇單親家庭
但我希望大家唔好覺得我哋單親就好似怪物咁
大人嘅感情唔好我哋都冇辦法🙏🏻