首先我係男，我鍾意咗另一個男仔。我同個男仔唔同中學，所以平時好少聯絡，大家都有各自嘅社交圈子，我都唔好意思搵佢傾計，咁我都冇表白到。過咗幾年都keep住係好少聯絡同冇見面，我就慢慢放低咗。
最近學校派咗本升學指南，我就唔知點解諗起佢，我就鼓起勇氣問佢想入邊間U，讀咩科，佢就覆咗我啦，佢想入A大學xx系，咁A大學嘅xx系對我嚟講好容易入，我自己就想入B大學嘅。
但唔知點解我知道後有個衝動，就好想報A大學xx系，好想我嘅u life入面有佢，我嗰下先意識到原來我仲鍾意緊佢，我好想見到佢。但理智就同我講唔應該咁做，應該揀返B大學，所以我而家好糾結。
坦白講我唔覺得我同佢有機會，一嚟係性別問題，二嚟其實我哋已經好耐冇見，佢應該都變咗好多，我唔知我鍾意緊嘅佢係回憶嘅佢定真實嘅佢，三係我覺得佢應該唔會鍾意我。同埋我好鍾意B大學嘅yy系，yy系係我一直以嚟嘅夢想。
但我又真係好想試下，我好想認識而家嘅佢，以前我唔敢表白，而家我想同佢重新開始，之後表白。如果我哋連U都唔同，距離就更加遠，就更加冇可能。同埋yy系對於我嚟講收分都幾高，我未必入到，除咗yy系其他我都唔係好想讀。如果A大學嘅xx系有佢喺度，我就唔介意去讀。
所以我應唔應該為咗佢放棄B大學？定繼續堅持夢想？但我係有機會入唔到B大學嘅yy系。
利申jupas 1st round 20個choice我都冇擺到A大學，因為嗰陣未知佢想讀A大學。