小妹今年12歲，單親家庭長大，一直都好辛苦。
最近老母因為揀學校一直鬧我打我，問我點解唔努力讀書等等嘅嘢，而且最近課題對我黎講有啲深，好多時都唔明。因為經濟問題所以1-6年班都冇補習，全部靠自己，而且老母讀到中三就冇再讀書出左黎做嘢，因為喺學校打人食煙飲酒樣樣齊。所以佢都唔識。
講吓背景先啦，2012年老豆老母因為錢嘅問題而離婚，嗰陣我得3-4歲，根本唔知有呢回事，老豆做物流搬貨嗰啲，老母之前做啤酒妹，而家係普普通通嘅家庭主婦。喺2012年之後我就一直同阿婆住，老豆老母都間唔中嚟睇吓我，帶我去玩，當然兩個唔會同時出現。除非一啲特別生日，例如我生日咁，佢哋先會一齊出現。
去到我2年班嗰陣老母返工識左個男人，大佢12年。一開始我都唔知佢哋一齊左，跟住有一日我攞我老母部電話就見到嗰個男人。即係我而家所謂嘅後父。其實識呢個男人（我後父）嘅時候我阿媽仲有一個，嗰個男人我識嘅，但係個男人之後因為太懶唔做嘢而比我老母飛左，之後我後父就叫我老母唔好做嘢，佢養我老母，3年班嗰陣老母就問我跟唔跟返佢，唔再跟阿婆。
其實返我老母度嘅之前，即係1-2年班嗰陣我就好乖嘅，成績都算好，普通班頭3，精英班頭15，不過好多人都比我更加好嘅（帶頭盔），但係去到4年班開始讀得好辛苦，而家6年班（因為5年班留左一年），成績開始好返小小，band1尾左右，我好驚冇學校收我…
我知道關係好複雜，而且文筆有限，大家屌細力啲🙏🏽sorry for1999