小妹今年中三 今年基本上好多時間都係上zoom 自己都知道自己上堂好唔專心成日攞住部電話係有問題 但係完全改唔到 就算已經擺開咗但係隔一陣都會忍唔住攞返黎睇 唔單止係上堂嗰陣 其實溫書嗰陣都唔係好專心 日頭明明有好多時間溫書但係我攞住部電話好快一日又過咗 去到夜晚先意識到自己一日乜都無做過跟住勁急又要捱夜溫書 呢排開始考試 見到身邊個個同學都好有把握 我覺得好自卑 我間學校banding唔差 身邊啲同學朋友個個讀書都好勁 由小學個陣開始讀書唔算差算係top所以係成績上面都唔會自卑 但係去到中學之後身邊個個同學都勁過自己 再睇返自己嘅成績發現同佢地好大差距 我覺得好自卑 我完全比唔上人地 阿媽以前同我講要比唔好同差過自己嘅人比 要就同勁過自己嘅人比較 所以我一直都養成左一個會攞成績同人比較嘅習慣 跟住比比下去到中學成績越黎越差我越比越自卑 越黎越無自信又好大壓力 成日諗住幾時先可以考到人地咁好 見到人地同我溫書嘅時間明明差唔多 但係永遠都好過我 我覺得好挫敗 今年要選科 但係學校未有講座嗰啲 所以以前無接觸過嘅我唔係好明點運作 見到佢地個個有曬方向要揀乜嗰啲 我係度諗點解佢地乜都知但係我自己就勁井底之蛙見識勁少乜都唔識 我到宜家仲係唔知道自己鍾意啲乜應該揀乜科 我連未來想做乜都無方向 我好羨慕佢地好明確知道自己鍾意啲乜 我淨係覺得我自己乜都做唔好好垃圾 我完全唔知要點做好 然後開始考試嘅呢段時間日日都好大壓力會胃痛食唔落飯頭痛 我開始唔知道自己係為咗啲乜…….