單純想分享下我對2020年既感受，長文注意⚠️
2020年開頭開得好難受，我本來係住兒童之家嘅，係生日當日因為衝動界手所以比人趕咗出去，返到好吾想返既屋企。因為太突然，我嘅考試成績插水式下跌，sad到係學校喊咗出嚟。
2月尾至3月頭，我嘅偶像拍咗拖，我本來吾係好介意，佢已經三十幾，拍拖好正常，但係佢女朋友太bitch，所以我真係好接受吾到，男藝人同女藝人拍拖本來就好容易引起兩邊粉絲罵戰，所以我無特別點理，但係佢女朋友竟然出面鬧我地，個下直接激嬲左大部分粉絲，一夜之間，粉絲群啲人跌到得兩位數，我好驚又好憤怒，我決定留喺度，我每日堅持每日出佢嘅post。但係呢件事都係hurt到我，所以我剪咗短頭髮。
6至7月，學校有表演，我要同teammates 一齊畫drama既背景，但係我嘅隊友係一班完美主義者，我哋要係一個月畫咁大個背景，仲要一邊溫考試，但係佢哋太care細節，同一個位畫完又畫，浪費咗好多時間，我仲要一邊去睇drama practice(因為劇本係我寫嘅），然後佢哋覺得我偷緊懶，所以暑假之後，我哋都好少再講嘢。
9月開學，我去到新班，大部分都係第一次同班，我希望有個新嘅開始，但係我同同班同學差距真係太大，我原本係讀所謂嘅精英班，但係我揀科揀咗兩科所以入咗成績中等既班別，我成績都算中上，所以成日有教得太慢既情況，有點野我好快就識，但係其他人要教好多次，所以教學進度真係慢到喊。
10月頭，我去咗搵工，因為屋企無錢，但係我莫名奇妙嘅開心，我已經好耐無試過一坐上張床就瞓到啦，因為返工好累，所以我多咗休息，少咗同人接觸，我發覺一個人真係開心好多，我大概吾係好適合社交活動。
10月尾至11月頭，我一個好中意嘅you tuber出咗事，發生左啲我從未諗過嘅嘢，我好嬲，但係吾係嬲佢做錯事，而係嬲佢點解要咁糟蹋自己，明明係好有做youtuber 既天份，唱歌又勁，但係偏偏做咗最吾應該做嘅事，真係好可惜，好彩既係，佢嘅隊友好似想保住佢，所以佢無退團，只係做咗幕後，但係我都係希望，有一日佢會出返黎，始終少一個人，真係差好多。
12月，我自己一個人過咗生日，但係我過我得好輕鬆，其實我應該係幸福咁活着嘅？我感受到自己情緒既波動，我係一個正常人；我可以享受自己既時光，緩慢感受世界；我可以同素未謀面嘅網友聯繫，其實我一啲都唔孤單。本來以為得我自己一個，轉過頭望下後面，原來大家都係度，所以我決定2021年嘅目標，就係要好好活下去，用力咁生存，感受自己，學識同自已相處。
多謝睇到呢度嘅人！！多謝集合係度既奇蹟。祝2021會更好。
～0121～辛苦晒咁多位！