我今年中三 住系葵青區 舊年暑假開始系屋企樓下間琴行學小提琴 教我嗰個老師冇問題 都有耐性同幾好人 問題就系琴行嗰個管理人的態度 我覺得佢幾勢利下 起初佢態度係唔錯 但係自從喺我舊年大概11月倒開始請咗成個月假之後 態度就變質 是咁的 我舊年學校12月份要考試 因為今年要選科 所以考試對我嚟講好緊要 為咗可以專心啲溫 我就同嗰個管理人講可唔可以請一個月假 如果唔係我嘅一再堅持 我諗佢唔會畀我請 咁我喺1月份再上返啦 我一入到去 佢通常會幫啲學生探熱 但係佢一見到我就扮睇唔到 起初我以為佢忙得滯唔記得 點知後尾有好幾個學生入嚟之後佢就360度大轉變 仲要好好招呼 同埋我學完琴之後 見到佢咪同佢講拜拜 點知佢講都冇講 仲要用啲唔係幾好嘅態度同我講下個星期照常幾點至幾點 不過佢有時係我交學費嗰陣又好好聲氣 仲會親自送我出門口添。。。 佢態度咁起伏不定 搞到我好驚 加上一直都係我自己同琴行個管理人溝通 一直都冇家長介入 可能佢覺得我好蝦。。。 我而家喺度諗緊要唔要轉琴行 定還是搵上門嘅老師 如有 請問大家有咩推薦？