小妹今年中三，讀band1。一直個人都好樂觀，唔會點唔開心。最近情緒好反常，唔知點算好…
大約由10月開始，間唔中會突然情緒崩潰(一到兩個禮拜1次咁)，會覺得自己好冇用，做咩都做唔好，爆喊超過一個鐘，喊完之後就冇乜嘢，又笑返。
平時對屋企人同朋友都會笑笑口咁，從來都唔會俾自己負面嗰面俾其他人知，因為我覺得每次喊完，就咩事都冇，可以繼續正常咁生活。
今個月開始嚴重，一個禮拜喊咗4次，仲開始界手。我唔開心嗰陣會熄電話，冇人搵到我。而我界手嗰刻其實我控制唔到自己(唔深，唔入肉)，我仲會諗自己連界手都唔敢，真係廢過垃圾，冇嘢做得好…
其實有人喺身邊嗰陣我好少唔開心，多數係自己一個先會發生以上情況，不過都有試過有人喺身邊，我即刻走咗匿埋自己一個人先喊。
Sorry講到1999，因為我真係唔知自己點解無啦啦會變成咁…有冇人可以幫手諗諗我嘅情況