其實大家有冇試過放唔低一個前任，就算過咗一年都好個腦都仲係諗住佢，其實原本我哋係一個幾溫馨嘅伴侶，雖然年紀細，但係我哋大家都好成熟，所以真係好少鬧交。
因為疫情同佢要出國讀書同埋佢話異地冇結果，所以就分咗手，因為原本一切都好正常大家都仲係熱戀期，聽到佢咁講我成個天冧咗落嚟，之後成一個月都冇出街，因為接受唔到分咗手，講真我都差唔多乜嘢都可以俾佢，我連自己嘅一生都可以俾埋佢，只要佢唔好嫌棄我，就算做返朋友都已經好足夠，過咗差唔多九個月都有嘗試過拍拖，但係真係搵唔番嗰種感覺，因為認定咗已經冇第二個，我啲朋友叫我快啲放低佢，佢哋話我唔值得我仲試過因為咁而自殺，可惜唔成功，真係唔好意思曬咗咁多位咁多時間，到最後想問番句其實我究竟應唔應該堅持到18歲等佢讀大學嘅時候再追番佢？（我係女仔好驚俾人話好cheap 因為應該係男追女)加上其實我都覺得自己有啲煩，成日都問佢係邊做緊啲咩，其實我係咪一個唔好嘅女朋友？我究竟要改啲乜佢先肯返嚟？