小弟今年F3
就係咁嘅 我暗戀咗一個F2嘅女仔
日日都會同佢講嘢 咩都講得
同佢講嘢嗰陣 成日會不自覺咁樣甜笑
有一次搭輕鐵同佢whatsapp
同佢講嘢嗰陣 我喺度笑
隔離個阿嬸就話 「後生仔 笑到咁嘅 拍拖呀」
我好想同佢表白
但係我覺得佢有時對我好似普通朋友咁
例如有一次 佢幫咗我一個大忙 然後我就「thanks」佢啦
佢竟然話「兄弟梗係要幫㗎啦」
嗰一刻我好傷心 WHAT??? 佢當我係兄弟咋???
仲有 有一次 我小息落去搵佢傾計
佢介紹我比佢啲朋友識 又話「呢位係我兄弟」
搞到我聽到「兄弟」呢個字成日好傷心
不過同佢有時就好曖昧
平時對方都會send心心emoji 或者心心sticker
有一次 我特登po咗同第二個異性朋友嘅對話出 story
佢覆咗個憤怒嘅emoji比我
另外 我哋嘅話題真係好廣泛
生活中有咩大大小小嘅事都會同對方講
每一次都傾好耐
例如學業上或者家庭上嘅心事
有咩秘密都會即刻同佢講
有時會講啲open啲嘅話題
例如關於sex嘅笑話
有時都會互flirt
大家都唔會有咩忌諱 笑一笑就帶過
其實呢個女仔我真係好鍾意佢
臨瞓前 考考下試 朝頭早起身 發夢 都會諗起佢
佢好特別 而且同佢好啱傾 見到佢就會不自覺咁樣笑
而家我哋嘅關係大概係 朋友以上戀人未滿
我唔知佢究竟當我係兄弟定係咩
大家覺得我應唔應該表白好
但係我又驚friend都做唔成 見面會尷尬
求各位比D意見🙏🏻🙇🏻♂️