Admin pls post ig, 長文慎入
小弟今年S2，上年開始已經鍾意一個同班嘅女仔。 第一次見到佢係orientation，佢個性格比較內向，紮住條馬尾，雖然個樣唔係特別靚但係莫名其妙覺得好可愛。
S1開始接近佢，到而家都算幾friend。但係問題係我係跨性別。我出生嘅性別係女，但係我內心係男。 上年冇同佢表白因為嗰陣未意識到我討厭自己嘅身體，係因為我根本就唔係呢個性別。依然覺得自己係女仔嘅我好驚表白之後，會因為佢嘅性傾向而被拒絕，破壞咗我哋嘅友情。
但係到咗而家我剪短咗頭髮，開始紮胸。雖然未正式同學校嘅人講，但係喺IG改咗我個名同埋性別代詞。一開始我好開心，因為我同佢有機會啦！但係諗深一層，可能佢會因為我係跨性別而拒絕我。我真係好希望唔會咁。我信佢唔係呢種人。但係如果呢件事真係發生咗，我唔知道點面對佢，亦都唔知會唔會再有勇氣去同呢一個因為我天生嘅特點而歧視我嘅社會對抗。
究竟我應唔應該表白？我應該點算好？
Sor for 1999