有時都唔知佢係對我好，定係中央暖爐。
我同一個男仔(P)小學已經讀同一間，不過因為小學冇同過班，
所以果陣只係知道對方而完全冇交流，
直到中三同一班坐隔離位先開始接觸，
一傾計就發覺我哋好有好共同話題，
中意打一樣既機，睇一樣既劇，
所以我哋有好多得我哋先明同識笑既話題，
我哋到依家都會晚晚signal係到傾計，
多數都係佢主動嚟搵我，一傾就半個鐘左右。
P對我好好，之前我嚟M，M痛既時候，
佢特登去咗買糖請我食，又幫我裝暖水。
因為中三果陣太熟，所以有啲同學誤會我地關係，
正常比人誤會既話都會特登疏遠翻，但係佢冇，
反而熟左，仲拎依件事講笑
佢開始叫我做老婆，叫自己做你老公，你男朋友咁。
P好醒目，一有女仔想approach佢，佢就會知，
之前同佢一齊玩劇社，識左個師妹，個師妹中意佢，
成日都會小息放學走嚟班房到搵佢講嘢，
P唔中意個師妹，成日就同我抱怨話覺得好煩，但係又冇正面拒絕人哋，
舊年陸運，個師妹過左泥搵佢影相，我幫佢哋揸機，
我見佢對師妹既反應的確係冷淡過對我，
但係都係好客氣咁對人咁，一啲想拒絕既意思都冇。
P有好多異性朋友，應該仲多過佢啲男仔朋友，
其中有一個女仔叫K，我一直都好懷疑佢中意K，
K係果啲細細粒好得意既女仔，係學校人緣好好，
P同K加埋另外2個人有一個小圈子，2男2女咁，
佢哋成日4個人一齊出去玩，食飯，溫書，行山咁，
之前佢po左張4個人行山既相，
個feel真係好似double dating。
重點係，P中二果陣有個ex，我同佢果陣仲未熟，
個ex就係因為介意佢同K太熟而成日嘈交，
佢哋兩個一嘈就會係班房反哂枱咁，所以個個都知，
Ex係P追翻嚟既，我覺得P果陣都幾中意個女仔，
但係佢後尾寧願同K做fd，飛左人哋，
我印象中P拍拖果排都有特登同我仲有其他女仔保持距離，
同K有冇就唔知，我估有既話應該都唔會搞到日日嘈交掛。
我同K都算係朋友，
之前有同佢仲有P，3個人一齊傾過P分手既八卦，
果陣K一直強調佢同P太熟，完全冇非分之想，
但係輪到P講果陣，
P一係就乜聲都冇出，一係就轉移話題，
佢從來都冇講過話佢中唔中意K。
佢真係好多異性朋友，
我唔知佢對我係咪同對其他女仔一樣，
唔知佢同女仔既相處模式係咪就係咁，
但係我真係有啲沉船，佢咁真係令我好冇安全感。