想問下生日係咪有人講生日快樂就已經好好？
因為中學開始會幫friend慶祝生日 , 即係放學會懶神秘咁買個蛋糕慶祝 , 然後一齊喺canteen食。我嗰group friend有人生日就會咁慶祝 , 都可以算係生日嘅習慣(?)
但我生日嗰陣永遠撞正長假期 , 最多就收到幾個生日快樂加幾句嘢
咁我就同自己講話假期難啲約出嚟慶祝 , 安慰自己😢
直到上次生日！我生日終於喺返學日 , 咁我期待咗好耐嘅生日「驚喜」終於有！我嗰日係勁期待！因為話晒都幫人慶祝咗咁多次 , 終於都到自己！
但我估唔到嘅係我咁大嘅期望換嚟嘅原來係更大嘅失望🥲佢哋話要去睇比賽所以放學要走先(佢哋係校隊 , 但個比賽佢哋唔洗落場 , 佢哋淨係去支持師兄師姐) , 就咁就走咗。最後 , 另一個同我一樣唔係校隊嘅friend就買咗件西餅當生日蛋糕食完就放學走咗。
我好多謝買西餅俾我食嗰個friend , 件西餅係我嗰日唯一嘅安慰🥲
呢次之後我都有繼續幫佢哋慶祝 , 但我每次幫佢哋慶祝就會諗起自己嗰次 , 就會好唔開心😢咁我都同佢哋其中一個講過我好唔開心 , 但之後佢都好似冇咗件事咁 , 咁我都冇再提起過。
可能有啲人會覺得我小題大做 , 但始終我都期待咗幾年。但我又冇理由同佢哋講我想要生日驚喜 , 主動叫人俾嘅就唔係驚喜啦😢
我諗Admin出post嗰陣我都已經過咗生日 , 不過都多謝admin岀post同埋多謝你哋睇到呢度！
Sorry for 1999😣