小妹今年中四，band1 a 學校，成績中等，屋企中產。
我好想去外國升學，邊個國家都冇所謂，最大嘅原因係想逃離香港。如果你幾年前問我去唔去外國讀書，我一定會灑手擰頭講wtf ，但由19年 6月社運開始，見到香港人權不斷被打壓，政府愈嚟愈荒謬，我就開始擔心自己嘅未來。由其是今日新聞話考評局計劃喺大灣區考DSE，可能要同大陸學生爭入香港大學，真心痴L線。🤷🏻♀️
咁啱我間學校有得揀考DSE/GCE(英國嘅公開試）變相報英國大學會易啲。但我見一年嘅學費+生活費，不論任何國家，最少都要接近20萬，四年就要80萬… 我唔想攞屋企咁多錢，用哂老豆阿媽嘅積蓄。何況我有個妹妹，中二，我去咗外國佢就可能冇得去，雖然唔知佢想唔想去，但咁樣好唔公平。
我老豆係藍未到黑，阿媽係隻超級大港豬。之前聽到佢地話：「冇做過犯法嘅事，安安份份，唔好搞政治，洗乜驚中国呀」我嗰下白眼反到後腦，心諗：係咪連廁所都有cctv嘅時候，你安安份份咁屙篤屎，就冇問題？🙄
前排阿媽提過想一家人移民去台灣（佢好多朋友都去咗，見人地好開心咁，自己又想去，絕對唔係政治原因）但比老豆以要照顧爺爺嫲嫲為由一下子否決咗。其實佢仲有四個兄弟姊妹可以幫手照顧… 咁算啦，跟住我同佢地講想中五去外國讀書，老豆又拒絕咗。話我唔識照顧自己，唔放心我一個人去咁遠，同埋失驚無神冇咁多錢供我讀書。（唔知真唔真）
其實我都係想有個理想嘅將來，有基本嘅自由啫，點解咁難😢 我而家人生冇晒方向，唔知將來香港會變成點，好擔心將來，唔知點算好。晚晚匿埋喺個被竇入面喊到訓著，第二朝天光zoom到天黑，每日無限輪迴，真係好辛苦，心很累💔
多謝大家睇到呢度，可唔可以比少少意見我？點同老豆阿媽講想外國升學？我知佢地係錫我嘅，我唔想同佢地鬧交，所以好多諗法都冇同佢地講，由其係政治嘢。如果半工讀又可唔可行呢？
最後，香港人頂住呀，雖然唔知而家係咪最黑暗，但黎明總會來的！💪🏻
Btw我第一次投槁，sor for 1999