#NSS個人
[GUEST] Sorry 唔該可唔可以post ig, 同咪依家唔係香港讀書少打筆劃所以會1999🙏🏻🙇🏻♀️（長文加文筆差）
相信大家對恐怖情人依四隻字唔陌生，但係親身經歷過先知係幾咁可恥。
我依個係一個extreme case，但係我都想講，只係想話俾大家知唔好因為情到濃時就盲目咁去相信佢，就算滿口謊言都選擇原諒佢。
話說當時佢係喺我最需要一個人完全支持我嘅時候就進入咗我人生中，當時同屋企關係出現裂痕，佢就會好”supportive” 咁講話佢會全力支持我，亦都好「積極」咁話俾我聽父母係唔愛我。可想而知，我個陣naive 又好，無腦又好，被愛情沖昏頭腦又好，我信咗。個陣差唔多冇同父母聯絡有一個月。
佢會同我父母講我會係到同其他男仔一齊 （簡單啲就係一腳踏兩船），我同一啲未知嘅女仔一齊放學（我每一日都係同緊佢一齊），令到我父母好擔心我嘅社交圈子，生活etc. 。某程度上佢想離間所有人，凈係得我會同佢係一個一齊。
佢會講佢個前任幾咁可恥，話成日送佢名牌手袋，請佢食高級嘢etc. ，最後個女仔出軌之後離開佢。佢會想揾一個係真係愛佢而唔係物質。睇到依到，你係咪覺得我同佢個前任係拜金女，睇中佢啲錢？手袋，係完全冇依回事，食高級嘢，係個女仔同佢週年紀念日先可能會去食一次。
學歷係假嘅，佢爸爸失業，母親曾經公眾場合話我比唔上我前任個ex。佢仲會吹到佢加拿大個邊有幾個apartment，依啲其實我已經唔想再計。以下先係重點…
你發覺唔對路想同佢分手，咩都唔洗講就係郁手，捉到手腕瘀咗，推人落地，搶你個袋唔俾你走，淨係識喊叫你唔好走。最嚴重個次係喺我屋企，有屋企人係到，直接箍我頸，扯頭髮，slap right into my face，推我落地（個陣第一時間個屋企人冇阻止係因為佢訓緊覺，但係我一喊佢就已經出嚟阻止佢）佢仲要搶我部手機打俾我阿媽話我出軌要同佢分手，個陣我仲要考埋第二節elective，就快手快腳收拾心情去考，只係考緊個陣都忍唔住喊。
Fun fact: 佢好似揾咗一個ig acc （全部係我舊校師姐妹）話要公審我，個陣我驚到話要寫律師信（律師信似係warning，再有就係報警），之後我母親當面警告先冇搞依件事。🤡
我有兩段恐怖情人嘅戀愛史，只係上一個冇比依個咁嚴重。我突然講出嚟嘅原因係因為佢有新target🙂，我唔想個女仔受到同樣嘅經歷，確實唔好受。致各位恐怖情人們，一係你就徹心改過，一係你就唔好出嚟害人，受害者承受緊不但係肉體傷害，心理都係一個問題。
希望下面各位師兄師姐們輕手啲唔好鬧我咁勁，你覺得我拜金又好，凈係睇學歷又好。我只可以話情人眼裏出西施，you’ll never know how he’s in REAL person.
P.S 多謝ccw 一直咁幫我，俾人屈都無動於衷，在此萬分感激, and my fking best frds “Triple Entente”for supporting me throughout this incident 😉